Grunnatriði Lean

Er fyrirtækið þitt að taka sín fyrstu skref í aðferðafræði Lean? Við bjóðum upp á þjálfun í grunnatriðum aðferðafræðinnar fyrir starfsmenn og stjórnendur. Lean gengur í stuttu máli út á að hámarka virði og lágmarka sóun. Á námskeiðinu er farið yfir sjö tegundir sóunar og hvernig hægt er að virkja betur hæfileika starfsmanna til að vinna að stöðugum umbótum.

Leiðtogaþjálfun

Námskeiðið er sérsniðið að leiðtogum með áherslu á virði, sóun og umbótamenningu. Farið er yfir hlutverk lean leiðtogans og hvernig hægt er að virkja betur hæfileika starfsmanna til að vinna að stöðugum umbótum. Á námskeiðinu er einnig farið yfir helstu einkenni framúrskarandi teyma.

innleiðing stöðugra umbóta

Við aðstoðum þig við innleiðingu stöðugra umbóta þar sem áhersla er lögð á að virkja hugvit og sköpunarkraft starfsmanna.

Tveggja Sekúndna Lean

Við bjóðum upp á þjálfun og innleiðingu á 2 sekúndna Lean aðferðafræðinni sem nýtur sívaxandi vinsælda hjá fyrirtækjum bæði hérlendis og erlendis.

Umbóta VInnustofur

Við undirbúum og stýrum vinnustofum fyrir fyrirtæki þar sem eitt viðfangsefni/ferli er tekið fyrir.

UmbótaTöflur/ verkefnatöflur

Vilt þú fá betri yfirsýn yfir verkefni og/eða umbætur í gangi? Við aðstoðum þig við að koma á reglulegum töflufundum sérsniðnum fyrir þitt teymi.

5S Þjálfun og innleiðing

Viltu betra skipulag sem fer ekki úr skorðum eftir nokkra daga? Við kennum þér aðferðafræði 5S sem gengur út á að setja upp og festa einstakt skipulag í sessi.

Lean öryggismál

Vilt þú gera enn betur í öryggismálum? Við sýnum þér hvernig Lean aðferðafræðin getur hjálpað þér að bæta öryggismálin á einfaldan hátt.

A3 Þjálfun

 A3 er öflugt tól við úrlausn verkefna sem og flókinna vandamála. Farið er yfir aðferðir rótargreiningar, aðgerðaráætlana og árangursmælinga. Við kennum þér að ramma inn verkefni á einfaldan hátt og skiljum þig eftir með öflugt tól til að vinna með. 

Stefnumótun

Við aðstoðum fyrirtæki við stefnumótun, innleiðingu á stefnu og gerð stefnuáætlunar með markmiðum og mælikvörðum.

Stefnumiðuð stjórnun

Aðstoðum við að skilgreina verkefni, markmið og mælikvarða sem styðja við stefnu fyrirtækisins.

Skilgreining ferla

Aðstoðum við gerð ferla með áherslu á virði og viðskiptavini. Afurðin er ferill með skilgreind ákvörðunarhlið og ábyrgðaskiptingu.

Verkefnastjórnun

Við tökum að okkur verkefnastjórnun stærri og smærri verkefna.

Markþjálfun

Áhrifarík leið til að byggja upp öflug teymi er að nota aðferðir markþjálfunar bæði fyrir hópa og einstaklinga.

Ef þú ert að vinna í að efla teymið þitt endilega hafðu samband og við ræðum mögulegar leiðir.

Persónuleg ráðgjöf og Sérlausnir

Við bjóðum upp á persónulega ráðgjöf ásamt því að sérsníða lausnir sem henta þér og þínu fyrirtæki.

Ásdís Kristinsdóttir

Ásdís er með M.Sc. gráðu í vélaverkfræði frá Canterbury University á Nýja Sjálandi  og B.Sc. gráðu í véla- og iðnaðarverkfræði frá Háskóla Íslands. Hún hefur lokið námi í ICF vottuðu markþjálfunarnámi og C-vottun IPMA í verkefnastjórnun. Hún kennir straumlínustjórnun í Háskóla Íslands við Iðnaðarverkfræðiskor. Síðastliðin 12 ár starfaði hún hjá Veitum og Orkuveitu Reykjavíkur þar sem hún gegndi síðast starfi forstöðumanns Tækniþróunar, en þar áður gegndi hún starfi forstöðumanns verkefnastofu og sviðsstjóra tæknimála. Á undanförnum árum hefur hún einnig setið í stjórnum Gagnaveitu Reykjavíkur, Keilis miðstöðvar fræða og vísinda, Metans og Nýorku.

Margrét E. ragnarsdóttir

Margrét Edda er með M.Sc. gráðu í raforkuverkfræði frá Northeastern University í Bandaríkjunum og B.Sc. gráðu í rafmagnsverkfræði frá Háskóla Íslands. Hún kennir straumlínustjórnun í Háskóla Íslands við iðnaðarverkfræðiskor. Síðastliðin 12 ár hefur hún starfað við rekstur, viðhald og fjárfestingar innan orkugeirans. Hún starfaði síðast á orkusviði Landsvirkjunar sem deildarstjóri jarðvarmadeildar, en áður gegndi hún starfi aðstoðardeildarstjóra tæknideildar. Þar áður starfaði hún hjá Orkuveitu Reykjavíkur sem umsjónarmaður rafmagns og hjá Landsneti við kerfisþróun.